Трамп прапанаваў Пуціну дапамогу ў тушэнні пажараў у Сібіры
Прэзідэнт ЗША Дональд Трамп патэлефаваў Уладзіміру Пуціну, каб прапанаваць дапамогу ў тушэнні пажараў у Сібіры. Пра гэта паведаміла прэс-служба Крамля.
«Прэзідэнт ЗША прапанаваў дапамагчы Расіі ў барацьбе з ляснымі пажарамі ў Сібіры», — гаворыцца ў паведамленні.
Пуцін, у сваю чаргу, «выказаў шчырую падзяку за такое ўважлівае стаўленне» і адказаў, «што расійскі бок пры неабходнасці ім скарыстаецца».
Як адзначаюць у Крамлі, размова адбылася па ініцыятыве амерыканскага боку.
Прэс-служба Крамля адзначае, што ў Маскве тэлефанаванне інтэрпрэтавалі як жаданне Трампа аднавіць поўнафарматныя адносіны між краінамі.