Школьнікі змогуць бясплатна наведваць дзяржаўныя спартыўныя збудаванні
Школьнікі і выхаванцы спартыўных школ змогуць на бязвыплатнай аснове наведваць дзяржаўныя фізкультурна-спартыўныя збудаванні. Адпаведны ўказ падпісаў Лукашэнка, піша БелТА.
Дакумент накіраваны на «падвышэнне эфектыўнасці выкарыстання фізкультурна-спартыўных збудаванняў, якія знаходзяцца ў дзяржаўнай уласнасці».
«З улікам таго, што такія аб'екты ўтрымліваюцца за кошт бюджэтных сродкаў, школьнікам і выхаванцам спартыўных школ дадзена магчымасць доступу да іх на бязвыплатнай аснове і без кампенсацыі камунальных і іншых расходаў для арганізаваных заняткаў фізічнай культурай і спортам», — адзначылі ў прэс-службе Лукашэнкі.