Ад 7 жніўня ДАІ будзе масава правяраць тэхагляд
МУС ладзіць прафілактычнае мерапрыемства «Дзяржтэхагляд», паведаміла афіцыйны прадстаўнік МУС Вольга Чамаданава.
Ад 7 па 17 жніўня ў розных населеных пунктах супрацоўнікі ДАІ правераць у кіроўцаў допуск да ўдзелу ў дарожным руху іх транспартных сродкаў.
Тэхнічныя няспраўнасці транспартных сродкаў — адна з прычынаў росту колькасці ДТЗ, адзначаюць у МУС. У гэтым годзе адбылося 8 такіх аварый, у якіх 3 чалавекі загінулі і 27 атрымалі раненні.