Магутны выбух у Кабуле: 95 параненых

Аўтамабіль, начынены выбухоўкай, узляцеў на паветра ў сераду раніцай ля ўваходу на тэрыторыю паліцэйскага ўчастка на захадзе Кабула, піша ТАСС. У выніку тэракту пацярпелі 95 чалавек, большасць з якіх мірныя жыхары, у тым ліку жанчыны і дзеці. Адказнасць за выбух узяў на сябе радыкальны рух «Талібан».

Прэм'ер-міністр Афганістана Абдула Абдула назваў напад спробай сарваць падрыхтоўку да выбараў прэзідэнта краіны.

I strongly condemn today's terrorist attacks in #Kabul. The terrorists aim to disrupt the presidential election campaign. We are committed to the democratic process and our resolve is unshakable. Instead of terrorist attacks, let us resolve our issues through negotiations.

— Dr. Abdullah (@afgexecutive) August 7, 2019

Абдула дадаў, што афганскія ўлады «непахісна адданыя дэмакратычнаму працэсу». «Дазвольце нам вырашаць праблемы шляхам перамоваў, а не з дапамогай тэрарыстычных нападаў», - адзначыў ён.

Прэзідэнцкія выбары ў Афганістане запланаваныя на 28 верасня.

Каментары да артыкула