BMW насмерць збіла аднаго з пешаходаў, якія ўвечары перабягалі МКАД
Здарэнне адбылося 8 жніўня каля 21.00, паведаміла афіцыйны прадстаўнік МУС Вольга Чамаданава.
Паводле папярэдняй інфармацыі, кіроўца іншамаркі 1981 года нараджэння рухаўся з боку праспекта Пераможцаў у бок вуліцы Ціміразева, калі раптам праезную частку пачалі перабягаць два чалавекі. Аднаго з пешаходаў (мужчыну 1991 года нараджэння) аўтамабіль збіў.
Ад атрыманых траўмаў малады чалавек памёр на месцы. Яго таварыш з месца здарэння ўцёк.
Ідзе праверка, высвятляюць акалічнасці трагедыі, фізічны стан удзельнікаў ДТП, шукаюць другога пешахода.