У шапіках з’явіўся свежы нумар «Нашай Нівы»
Тэмы нумару: «Як стаць зоркай тэлеэкрану», «Начныя матыліцы. Дзяўчаты пайшлі на панэль», «Аты‑баты, забралі лідэраў у салдаты», «Ці хадзіў па Беларусі «Чорны кот».
У нумары:
«Аты‑баты, забралі лідэраў у салдаты», піша Зміцер Панкавец пра палітычны прызыў 2009 году.
***
«Начныя матыліцы».
«Дзяўчаты пайшлі на панэль. Хто яны, што падштурхнула іх да гэтага? Разбэшчанасць, цяжкія бытавыя ўмовы, а мо адразу тое і другое? У адным Пухавіцкім раёне іх некалькі дзесяткаў», ‑ расследаванне Янкі Пухавіцкай.
***
«Як стаць зоркай тэлеэкрану».
Наталля Дзейка — удзельніца шоў на АНТ «Пасаг для нявесты». Адметнасць гэтай удзельніцы была ў тым, што разам са сваім жаніхом Сяргеем Варывоцкім, яны адзіныя гаварылі на шоў па‑беларуску.
«Што ад БАТЭ засталося» — найлепшыя гульцы чэмпіёна Беларусі пакінулі клуб, уладкаваўшыся ў Нямеччыне, Італіі і Расіі;
***
«Ці хадзіў па Беларусі «Чорны кот»?
Алег Дзярновіч аналізуе працу польскага даследчыка Рафала Ўнука пра беларускае антысавецкае супраціўленне, надрукаваную ў часопісе ARCHE ‑‑ «Легенда пра падполле Вітушкі — аперацыйная гульня савецкіх спецслужбаў»
Даніла Жукоўскі рэцэнзуе зборнік апавяданняў Паўла Касцюкевіча «Душпастырскія спатканні для дачнікаў».
Новы нумар «Нашай Нівы» ў шапіках у Мінску ў сераду ад абеду, у рэгіёнах — ад чацвярга раніцы.