Памёр Рычард Уільямс — аўтар «Трусіка Роджэра»
Памёр брытанскі аніматар, рэжысёр кіно і мультыплікацыі Рычард Уільямс. Пра гэта паведамляе Daily Mail.
Як адзначаецца, ён памёр ва ўзросце 86 гадоў у сваім доме ў Брысталі.
Уільямс вядомы перш за ўсё як рэжысёр-мультыплікатар мастацкага фільма «Хто падставіў трусіка Роджэра».
Ён быў трохразовым уладальнікам Оскара, а таксама два разы атрымліваў прэмію Bafta.