У Кіеве затрымалі экс-міністарку аховы здароўя часоў Януковіча. Яна прыляцела з Мінска
Украінскія памежнікі затрымалі ў аэрапорце Жуляны былую міністарку аховы здароўя, экс-сакратара Рады нацыянальнай бяспекі і абароны Раісу Багатырову, піша УНІАН.
Багатырова прыбыла ва Украіну 27 жніўня рэйсам з Мінска. Яна хавалася ад следства амаль 5 гадоў.
Яе падазраюць у крадзяжы дзяржаўных грошай у асабліва вялікіх памерах пры прадастаўленні ліцэнзій на набыццё лекаў.