У Расіі падчас галасавання памёр кандыдат-камуніст
У Валгаградзе, пасля планавага абыходу выбарчых участкаў, памёр 49-гадовы кандыдат у дэпутаты абласной думы ад КПРФ, палкоўнік запасу Вадзім Чысцякоў, піша tass.ru.
Паведамляецца, што кандыдат правяраў чысціню выбарчага працэсу і сканаў з-за праблем з сэрцам.
Яшчэ адзін смяротны інцыдэнт адбыўся на выбарчым участку ў Цалінным раёне Курганскай вобласці: памёр 90-гадовы мужчына, паведамляе lenta.ru.
Па словах мясцовых жыхароў, раніцай у пенсіянера падвысіўся ціск, але нягледзячы на гэта ён вырашыў пайсці галасаваць. Ужо на выбарчым участку мужчыну стала дрэнна, ён страціў прытомнасць. Медыкі не змаглі яго выратаваць.
Папярэдняя прычына смерці - вострая сардэчна-сасудзістая недастатковасць.
8 верасня ў Расіі - адзіны дзень галасавання. Выбары рознага ўзроўню праходзяць у 85 рэгіёнах.