У Маскве загінуў 18‑гадовы беларус‑гастарбайтэр
На паўднёвым захадзе Масквы, у раёне Ленінскага праспекта ў вагоне — бытоўцы на будаўнічай пляцоўцы кампаніі «Балтвестстрой» знойдзена цела 18‑гадовага беларускага гастарбайтэра.
Як высветлілася, нябожчык меў часовую рэгістрацыю ў Санкт‑Пецярбурзе.
Пра труп у міліцыю паведаміла адміністрацыя будоўлі. Пры першым вонкавым даглядзе прыкметаў гвалтоўнай смерці знойдзена не было. Міліцыя распачала крымінальную справу.