«95 квартал» на міжнароднай канферэнцыі пажартаваў з Лукашэнкі. Жарт развесяліў Зяленскага ВІДЭА
На міжнароднай канферэнцыі YES у Кіеве пажартавалі з Аляксандра Лукашэнкі, піша «Салiдарнасць».
На сцэну нечакана выйшлі былыя калегі прэзідэнта Украіны — акцёры студыі «95 квартал», якія выступілі перад замежнымі гасцямі на англійскай мове. Адна з мініяцюр была прысвечана таму, як кіраўнік Беларусі спрабуе зрабіць сэлфі на мабільны тэлефон.
Нумар рассмяшыў многіх прысутных гасцей, у тым ліку і знакамітых. Смяяўся прэзідэнт Украіны Уладзімір Зяленскі, а таксама запрошаная зорка — амерыканская актрыса Робін Райт, галоўная гераіня серыяла «Картачны домік».