У Гродне таксіст заснуў проста пасярод паездкі і ўрэзаўся ў слуп ФОТА
21 верасня ў 5:30 раніцы на вуліцы Сацыялістычнай ў Гродне адбылася аварыя з удзелам таксі, паведамляе Newgrodno.by.
Як прызнаўся кіроўца, ён заснуў за рулём і ўрэзаўся ў слуп. Дзяўчыну-пасажырку забрала хуткая дапамога, якая прыбыла на месца аварыі разам з супрацоўнікамі ДАІ.
Дзяўчына была дастаўлена ў бальніцу з сур'ёзнымі траўмамі, кіроўца не пацярпеў.