Партыя БНФ выставіла на выбары 50 кандыдатаў
21 верасня ў Мінску адбыўся з'езд БНФ, які вылучыў 50 сябраў партыі кандыдатамі ў дэпутаты.
16 партыйцаў з гэтага спісу вядуць яшчэ і збор подпісаў выбаршчыкаў праз свае ініцыятыўныя групы.
Як адзначыў старшыня Партыі БНФ Рыгор Кастусёў, партыя не разглядае гэтую кампанію як сапраўдныя выбары, але імкнецца выкарыстоўваць яе дзеля папулярызацыі сваіх каштоўнасцяў і партыйнай праграмы.