Адзін з сяброў журы паставіў беларускамоўную песню «Вятры» на апошняе месца, але БТ адмовілася называць яго імя
Гледачы адбору на дзіцячае «Еўрабачанне» прагаласавалі за беларускамоўную песню «Вятры», якую выконвала Марыя Ермакова.
Дзяўчынка і паехала б на міжнародны конкурс, калі б не сябры журы.
Як выявілася, адзін з іх паставіў Марыю Ермакову на апошняе месца.
Пра гэта напісаў у фэйсбуку бацька дзяўчынкі, Дзяніс Ермакоў, які патрабаваў ад БТ расследавання сітуацыі.
«У нас адбылася сустрэча з кіраўніком і прадстаўнікамі Белтэлерадыёкампаніі. Пратаколы раскрытыя не былі, толькі нашы ацэнкі, без імёнаў членаў журы. 1 бал ўсё ж такі ёсць. Ад аднаго чалавека. Цытата «Крытэрыі ацэнкі — бачанне членаў журы. Крытэрыі — у кожнага свае. Яны маюць права так бачыць…»