Адвакат Трампа адмяніў паездку на канферэнцыю з удзелам Пуціна
Адвакат прэзідэнта ЗША Рудольф Джуліяні, пра якога згадвалася ў размове паміж Дональдам Трампам і Уладзімірам Зяленскім, адмяніў свой візіт у Арменію, дзе ён павінен быў выступіць у якасці платнага спікера на ініцыяванай расійскім урадам канферэнцыі, піша The Washington Post.
У мерапрыемстве, якое арганізуецца пры садзейнічанні Расіі і Еўразійскага эканамічнага саюза, павінен прысутнічаць прэзідэнт Расіі Уладзімір Пуцін і іншыя высокапастаўленыя расійскія чыноўнікі.
Джуліяні паведаміў, што больш не плануе прысутнічаць на мерапрыемстве.
«Я не ведаў, што Пуцін едзе», — прыводзіць выданне яго словы. «Разважлівасць — найлепшая рыса адвагі», — дадаў ён.