Беларускі гурт Dali не паедзе на Еўрабачанне ад Польшчы
Ад нашай заходняй суседкі едзе ў Маскву Лідзія Копаня.
Лідзія Копаня, фота gazeta.pl
Фінальны тур, у якім адбіраўся прадстаўнік Польшчы на конкурс Еўрабачаньня ў Маскву, прайшоў у суботу.
Перамагла ў польскім адборы Лідзія Копаня (Lidia Kopania) з песняй "I Don't Wanna Leave". Яна абышла дзевяцёх іншых удзельнікаў, паведамляе dziennik.pl,
у тым ліку і беларускі гурт Dali, які ўдзельнічаў у адборы ад Польшчы.
Журы паставіла беларусаў на 5-е месца, а гледачы аддалі 9-е месца, паведаміў у сваім жж alesarkush, дадаўшы, што нашы выступілі слабавата.