Легендарны Петр Чэх дэбютаваў у хакеі. Прапусціў дзве шайбы, адбіў вырашальны буліт і быў прызнаны найлепшым гульцом ВІДЭА
Былы брамнік «Чэлсі» і «Арсенала» Петр Чэх правёў першы матч за паўпрафесійны англійскі хакейны клуб «Гілфард Фенікс».
Чэх выйшаў на лёд у якасці стартавага брамніка на гульню супраць «Суіндан Уайлд Кэтса».
У выніку ён прапусціў дзве шайбы, а ў серыі булітаў дапамог камандзе перамагчы, адбіўшы вырашальны кідок.
Каманда Чэха перамагла з лікам 3:2, а ён быў прызнаны найлепшым гульцом матча.