Маладзён скраў у працадаўцы 3900 рублёў — і купіў білет у Грузію
Знікенне грошай 31-гадовы мінчук выявіў, калі яму неабходна было разлічвацца за дастаўленыя для фірмы камп'ютары. Адразу ж мужчына звярнуўся па дапамогу да праваахоўнікаў, піша сталічная міліцыя.
У ходзе правядзення мерапрыемстваў сышчыкі дазналіся, што грошы скраў работнік, які нядаўна ўладкаваўся на фірму.
Малады чалавек заўважыў, што працадаўца прыйшоў на працу з вялікай сумай грошай, якая прызначалася для набыцця камп'ютараў. Грошы мужчына пакінуў у кішэні курткі. Дачакаўшыся моманту, калі на працоўным месцы нікога не будзе, падначалены дастаў грошы з кішэні і сышоў.
З грашыма хлопец накіраваўся ў аэрапорт, дзе купіў квіток у Грузію.
Устаноўлена, што раней ён прыцягваўся да крымінальнай адказнасці за хуліганства.