Жанчыну, якая прасіла «пакурыць траўкі», не пусцілі ў метро
Жанчыну ў неадэкватным стане не пусцілі ў метро на станцыі «Уручча», паведамляе Мінск-Навіны.
Жанчыну не пусцілі на праезд у сувязі з яе станам, які мог нанесці шкоду як ёй самой, так і іншым пасажырам метро, паведамілі ў метрапалітэне.
Па словах відавочцаў, даму пад рукі вывелі супрацоўнікі хуткай медыцынскай дапамогі са службовага памяшкання, якое знаходзіцца побач з касамі метрапалітэна. Пры гэтым яна прасіла «пакурыць яшчэ траўкі».