Вядомы ўкраінскі комік Сяргей Сівоха стаў дарадцам Рады нацыянальнай бяспекі па пытаннях Данбаса
Украінскі комік і шоумэн Сяргей Сівоха стаў дарадцам сакратара Рады нацыянальнай бяспекі і абароны па рэінтэграцыі і рэканструкцыі Данбаса, піша УНІАН
Пра гэта сам Сівоха паведаміў на сваёй старонцы ў Facebook. «Я пачынаю тыдзень на новай пасадзе», — напісаў ён і размясціў фотаздымак пасведчання асобы. «Гэта вялікая адказнасць для мяне! Неверагодная колькасць планаў! Наперадзе яшчэ шмат складанай і важнай працы», — дадаў Сівоха.
Сяргей Сівоха — выхадзец з Данецка, выступаў у камандзе Данецкага ўніверсітэта КВЗ. Быў трэнерам у шоу «Ліга смеху». На датэрміновых парламенцкіх выбарах у 2019 годзе Сівоха балатаваўся ад «Слугі народа» па мажарытарнай акрузе Данецкай вобласці, але не набраў неабходную колькасць галасоў.