Стала вядома, колькі ў свеце мільянераў і якая краіна самая багатая
Сёлета сусветны дабрабыт дасягнуў рэкорду. Ад ліпеня 2018 года да чэрвеня 2019 года ён перавысіў $ 360,6 трлн і вырас на $ 9,1 трлн, — на 2,6%. Пра гэта сведчаць звесткі штогадовага дакладу Global Wealth Report швейцарскага банка Credit Suisse.
Гэты паказчык у разліку на дарослага чалавека вырас на 1,2% і дасягнуў рэкорднага ўзроўню - $ 70,849 тыс. Швейцарыя ў чарговы раз стала сусветным лідарам ($ 564,65 тыс.), на другім месцы — Кітай ($ 489,26 тыс.). Далей ідуць ЗША ($ 432,37 тыс.) і Аўстралія ($ 386,06 тыс.).
На сярэдзіну 2019 года ў свеце налічвалася 46,8 мільёна чалавек, якія маюць больш за $ 1 млн.
ЗША забяспечылі больш за палову агульнасусветнага павышэння: у краіне з'явілася 675 тыс. мільянераў, а іх колькасць у краіне дасягнула 18,614 млн. Гэта перасягнула сукупны паказчык новых мільянераў наступных дзевяці краін рэйтынгу — Японіі, Кітая, Германіі, Нідэрландаў, Бразіліі, Індыі, Іспаніі, Канады і Швейцарыі.
Самыя значныя страты ў багатых людзях панеслі Аўстралія, Вялікабрытанія і Турцыя. Менш мільянераў стала ў Саудаўскай Аравіі, Ганконгу, Францыі і Грэцыі.
Дабрабыт насельніцтва свету ў наступныя пяць гадоў вырасце прыкладна на 27%, прагназуе Credit Suisse.