Паглядзіце, якая прыгажуня пасялілася ў мінскім заапарку ФОТА
З нядаўняга часу ў мінскім заапарку пасялілася плацінавая ліса. З усімі дакументамі яе перадаў гаспадар. Ён быў вымушаны развітацца з такім незвычайным звярком, паведамляюць Мінск-навіны.
Лісу назвалі Эльза. Па словах работнікаў заапарка, жывёла сапраўды вельмі падобна на снежную прынцэсу з мультфільма «Халоднае сэрца».