У Пухавіцкім раёне ў тумане маршрутка ўрэзалася ў грузавік: траўмы атрымалі восем чалавек
Здарэнне адбылося каля 10:00 на 49-м км аўтадарогі Мінск — Гомель, паведамляе МУС у сваім тэлеграм-канале.
Кіроўца цягача МАН з паўпрычэпам рухаўся ў напрамку Мінска і спыніўся перад пешаходным пераходам, прапускаючы людзей.
У спадарожным кірунку па маршруце «Мазыр — Мінск» ехаў мікрааўтобус з 16 пасажырамі.
З-за моцнага туману кіроўца маршруткі не заўважыў грузавік і здзейсніў сутыкненне.
Траўмы рознай ступені цяжкасці атрымалі кіроўца і 7 пасажыраў маршрутнага таксі.