На акцыю пратэсту ў Чылі выйшлі больш за мільён чалавек

25 кастрычніка ў Чылі на чарговую акцыю пратэсту выйшлі больш за мільён чалавек, якія патрабавалі правядзення сацыяльных рэформ.

Chile hoy vive una jornada histórica. La RM es protagonista de una pacífica marcha de cerca de 1 millón de personas que representan el sueño de un Chile nuevo, de forma transversal sin distinción. Más diálogo y marchas pacíficas requiere nuestro país ❤! #ArribaStgo #RMdeTodos pic.twitter.com/RWcLBU67LD

— Karla Rubilar Barahona (@KarlaEnAccion) October 25, 2019

«Чылі сёння перажывае гістарычны дзень. У сталічным рэгіёне праходзіць мірная маніфестацыя з удзелам каля аднаго мільёна чалавек», — напісала мэр Сант'яга Карла Рубілар Бараона на сваёй старонцы ў Twitter.

У сталіцы краіны Сант'яга дэманстранты прайшлі паблізу будынка ўрада, заклікаючы прэзідэнта краіны Себасцьяна Піньеру сысці ў адстаўку.

Інцыдэнтаў на працягу акцыі пратэсту зафіксавана не было.

Вулічныя пратэсты ўспыхнулі ў сталіцы Чылі 18 кастрычніка. Яны былі выкліканы павышэннем цэн на праезд у метро.

Каментары да артыкула