Лукашэнка павіншаваў Эрдагана
Кіраўнік дзяржавы ад імя беларускага народа і сябе асабіста павіншаваў прэзідэнта Турцыі Рэджэпа Таіпа Эрдагана з нацыянальным святам — Днём Рэспублікі, пішет БелТА.
Лукашэнка выказаў надзею, што пазітыўная дынаміка беларуска-турэцкага супрацоўніцтва ў палітычнай, гандлёва-эканамічнай і гуманітарнай галінах, а таксама высокі ўзровень узаемаразумення і падтрымкі на міжнароднай арэне будуць садзейнічаць далейшаму збліжэнню краін.
Кіраўнік дзяржавы пажадаў Рэджэпу Таіпу Эрдагану моцнага здароўя і далейшых поспехаў, а народу Турцыі — міру і дабрабыту.