Лукашэнка: Бульба нібыта прыбрана. Паглядзіце яшчэ раз
Аляксандр Лукашэнка, заслухоўваючы даклад аб завяршэнні ўборачнай кампаніі 2019 года, звярнуў увагу на неабходнасць захаваць ураджай бульбы, паведамляе прэс-служба.
«Бульба нібыта прыбрана. Паглядзіце яшчэ раз. Сёння прыстойная цана. Украіна ў чарзе стаіць па бульбу. Запоўніце сховішчы. І не толькі для свайго насельніцтва на зіму, але і каб прадаць пазней па вясне за добрую цану гэтую бульбу. Тое ж самае тычыцца і гародніны», — запатрабаваў беларускі кіраўнік.