У Мазамбіку паўстанцы забілі пяцярых байцоў ПВК «Вагнер»
У Мазамбіку ў выніку нападу паўстанцаў загінулі пяцёра байцоў расійскай прыватнай вайсковай кампаніі «Вагнер». Аб гэтым піша выданне Carta de Mocambique са спасылкай на неназваныя крыніцы.
Інцыдэнт адбыўся 27 кастрычніка ў правінцыі Кабу-Дэлгаду. Паўстанцы зрабілі засаду на аўтамабіль, у якім ехалі наёмнікі «Вагнера» і супрацоўнікі сілавых структур Мазамбіка: яны паставілі на дарозе барыкады, а калі машына спынілася, адкрылі агонь.
МЗС РФ пакуль афіцыйна не каментаваў гібель расіянаў у Мазамбіку.