У аварыі пад Шчучынам загінула кіроўца — 39-гадовая цяжарная жанчына
Раніцай 2 лістапада ў Шчучынскім раёне адбылася смяротная аварыя, паведамляе ДАІ Гродзенскай вобласці.
Каля 9 гадзін раніцы на 3-м кіламетры аўтадарогі Жалудок — Кукіні аўтамабіль Аўдзі з'ехаў на абочыну і ўрэзаўся ў дрэва.
Удар прыйшоўся на бок кіроўцы. 39-гадовая цяжарная жанчына, якая была за стырном, памерла на месцы здарэння.