У Канадзе Tesla без кіроўцы ехала па сустрэчнай паласе ВІДЭА
У Канадзе на відэа знялі аўтамабіль Tesla без кіроўцы, які рухаўся на стаянцы гандлёвага цэнтра ў Рычмандзе (правінцыя Брытанская Калумбія), у тым ліку па сустрэчнай паласе, паведамляе CBC.
Аўтамабіль, імаверна, быў актываваны з дапамогай Smart Summon. Такая функцыя мабільнай праграмы дазваляе ўладальніку Tesla запускаць транспартны сродак аўтаномна да свайго месцазнаходжання ў радыусе 60 метраў.
Праблема ў тым, што не існуе ніякіх законаў, якія б рэгулявалі або абмяжоўвалі такія сітуацыі.
Яшчэ больш заблытала сітуацыю заява міністэрства транспарту і інфраструктуры правінцыі, у якой гаворыцца, што транспартныя сродкі без кіроўцы забароненыя на дарогах, нягледзячы на рост колькасці аўтамабіляў Tesla, здольных працаваць у аўтаномным рэжыме.