Расію не абуем у валёнкі
Адзіная ў Беларусі фабрыка валёнак часткова кансервуе вытворчасць на паўгода ў сувязі з вымушаным спыненнем экспарту.
Адзіная ў Беларусі фабрыка валёнак часткова кансервуе вытворчасць на паўгода ў сувязі з вымушаным спыненнем экспарту.
Фота Андрэя Лянкевіча.
Каля 80% прадукцыі Смілавіцкай фабрыкі валёнак у мінулым годзе адпраўлялася ў Расію, паведамляе «Інтэрфакс-Захад». Цяпер, у сувязі з вымушаным спыненнем экспарту, адзіная ў Беларусі фабрыка валёнак часткова кансервуе вытворчасць да восені.
Штомесячна Смілавіцкая фабрыка выпускае да 15 тысяч пар валёнак, у якіх ходзяць у Расіі, Літве, Латвіі, Эстоніі ды Ўкраіне. Акрамя таго, штогод тут вырабляюць да 1,5 тысяч параў валёнак з элементамі дэкору і ПЭТ-падэшвай.
На смілавіцкай фабрыцы, якая дзейнічае ўжо каля 80 гадоў, сёння працуе 130 чалавек.