Галоўны трэнер зборнай Беларусі пракаментаваў 0:4 ад Германіі
Міхаіл Мархель сказаў: «Вынік для нас несуцяшальны. Але я, як галоўны трэнер, бачу пазітыўныя моманты ў нашай гульні: гэта тычыцца дзеянняў у абароне ў першым тайме, і дзеянняў у атацы ў другім тайме. Не збіраемся пасыпаць галаву попелам. Будзем працягваць працаваць, рабіць высновы з гульні. Для нас гэты матч вельмі карысны ва ўсіх планах: з такім супернікам мы не кожны дзень гуляем, таму гэта вельмі важны вопыт для нас», паведамляе Прэсбол.