Шчыт «Алеся» завяршыў праходку другога тунэля ад станцыі «Вакзальная» да «Кавальскай Слабады»
Шчыт «Алеся» завяршыў праходку правага перагоннага тунэля ад будучай станцыі метро «Вакзальная» да станцыі «Кавальская Слабада». Збойка тунэля адбылася сёння ў раёне вул. Варанянскага, перадае БелТА.
Праходка першага перагоннага тунэля ад «Вакзальнай» да «Кавальскай Слабады» была завершана ў красавіку. Раней было пабудавана яшчэ два перагонныя тунэлі да станцыі «Юбілейная плошча». Працягваецца збудаванне станцыйных комплексаў.