Каб выцягнуць трактар, кіроўца скраў іншы
Увечары трактарыст аднаго з сельгаспрадпрыемстваў Пінскага раёна на замацаваным за ім трактары «МТЗ 82.1» збіраўся з'ездзіць па асабістых справах, паведамляе абласная міліцыя.
Але ад'ехаўшы недалёка ад малочна-таварнага комплексу, мужчына не справіўся з кіраваннем і з'ехаў у кювет. Для таго каб выцягнуць захраслы транспартны сродак, ён вярнуўся на мехдвор і ўзяў іншы, больш магутны трактар »МТЗ 1221».
Калі мужчына другі раз за кароткі час з'явіўся на тэрыторыі мехдвара і паспрабаваў выехаць на іншым трактары, ён быў спынены супрацоўнікам аховы. Высветлілася, што дазволу на эксплуатацыю транспартных сродкаў кіроўца ў гэты дзень не атрымліваў, пры гэтым знаходзіўся з відавочнымі прыкметамі алкагольнага ап'янення.
Супрацоўнікі ДАІ ўставілі, што работнік кіраваў транспартнымі сродкамі ў стане алкагольнага ап'янення.