У Бабруйску «Хёндай» знёс прыпынак грамадскага транспарту
У тэлеграм-канале «Дарогі Бабруйска» адзін з карыстальнікаў выклаў фатаграфіі сур'ёзнай аварыі, у якой аўтамабіль «Хёндай» урэзаўся ў прыпынак грамадскага транспарту.
Як паведамляецца ў подпісы да фота, аварыя адбылася на Георгіеўскім праспекце ў напрамку Мінскай трасы ўчора, каля 23 гадзіны. Незадоўга да гэтага карыстальнікі пачалі паведамляць пра тое, што на дарозе «бярэцца галалёд».
Аўтамабіль і прыпынак атрымалі сур'ёзныя пашкоджанні. Пра стан кіроўцы «Хёндай» інфармацыі пакуль што няма.