Камунальныя тарыфы ў 2020-м вырастуць на $5
Тарыфы на жыллёва-камунальныя паслугі ў 2020 годзе вырастуць не больш як на $5 у эквіваленце, паведаміў БелТА першы намеснік міністра антыманапольнага рэгулявання і гандлю Іван Вежнавец.
«Цяпер рыхтуецца адпаведны праект указа. Мяркуецца рост тарыфаў не больш чым на $5, як гэта прадугледжана заканадаўствам», - сказаў Іван Вежнавец.
Паводле яго слоў, праект указа плануецца ўнесці на разгляд кіраўніка дзяржавы ў бліжэйшы час, каб дакумент уступіў у сілу з 1 студзеня 2020 года.