«Міс Сусвет — 2019» стала прыгажуня з Паўднёвай Афрыкі
Пераможцай міжнароднага конкурсу прыгажосці «Міс Сусвет» у 2019 годзе стала прадстаўніца ПАР Зазібіні Тунзі, пра гэта гаворыцца на старонцы мерапрыемства ў Twitter.
У тройку фіналістак таксама ўвайшлі дзяўчаты з Мексікі і Пуэрта-Рыка.
Конкурс «Міс Сусвет» сёлета праходзіў у амерыканскім горадзе Атланта, штат Джорджыя.
Зазібіні Тунзі, як паведамляецца на афіцыйнай старонцы конкурсу, з'яўляецца актывісткай па барацьбе з гендэрным гвалтам.
Беларусь на «Міс Сусвет» прэзентавала студэнтка Інстытута бізнесу БДУ Настасся Лаўрынчук.