Цягнік пратараніў фуру пад Маладзечнам
У Маладзечанскім раёне цягнік уехаў у фуру на чыгуначным пераездзе, паведамляе МНС.
Ратавальнікі атрымалі паведамленне аб ДТЗ паблізу вёскі Пруды Маладзечанскага раёна. Высветлілася, што на неахоўным чыгуначным пераездзе грузавы цягнік сутыкнуўся з цягачом. Фура везла вадкі паліурэтан для мэблевай вытворчасці. У выніку ДТЗ пацярпелых няма. Вялікагруз накіроўваўся з Літвы ва Узбекістан.
З-за сутыкнення разліўся паліурэтан.