У мінчука скралі 1700 даляраў, якія ён хаваў ад жонкі
У міліцыю звярнуўся мужчына і паведаміў, што з бардачка яго грузавога аўтамабіля, на якім ён прадае гародніну і садавіну, знікла частка грошай (1700 даляраў). Мужчына сказаў, што такую буйную суму грошай ён хаваў ад жонкі, паведамляе сталічная міліцыя.
Міліцыя хутка вылічыла злачынцу. Ім аказаўся 34-гадовы мінчук, які падпрацоўваў грузчыкам у пацярпелага.
Той перадаў ключы свайму работніку, каб падмяніў яго на працы. Грузчык, скарыстаўшыся выпадкам, абшукаў машыну і знайшоў схаваныя зберажэнні.
Прычым краў ён па частках: першапачаткова ён прысвоіў 200 даляраў, затым 1500 даляраў. Выкрадзеныя грошы мужчына патраціў.