Жыхар Камянецкага раёна скраў аўто, а потым сам пазваніў у міліцыю
Выпадак адбыўся ўвечары 20 снежня. 26-гадовы жыхар вёскі Селішча Малое вырашыў скарыстацца прыпаркаваным ля плота суседскім УАЗам. Праехаўшы некалькі кіламетраў, урэзаўся ў прыдарожнае дрэва. Праваахоўнікі, якія прыбылі на месца здарэння, выявілі кіроўцу побач з транспартным сродкам паблізу вёскі Белая.
Малады чалавек скарыстаўся пакінутымі ў замку ключамі. Пасля ДТЗ ён адразу патэлефанаваў суседу, які парэкамендаваў яму добраахвотна звярнуцца ў міліцыю, піша БелТА