Германія адмовілася надаць Украіне вайсковую дапамогу
Міністр замежных спраў Украіны Вадзім Прыстайка паведаміў, што Нямеччына адхіліла просьбу Украіны аб вайсковай дапамозе, паведамляе «Радіо Свобода».
«Мы ўдзячныя за фінансавую дапамогу Германіі і палітычную падтрымку германскага ўрада. Але, на жаль, наш запыт аб ваеннай дапамозе быў адхілены.
Спадзяюся, што Берлін перагледзіць такую стрыманую пазіцыю і ўсё ж вырашыць узмацніць абарончыя магчымасці Украіны», — сказаў Прыстайка.
Прыстайка не ўдакладніў, калі падавалі запыт на дапамогу, але адзначыў, што зараз гаворка ідзе пра выжыванне Украіны як дзяржавы.