Пад Мінскам «Хонда» ўрэзалася ў раздзяляльную агароджу, а затым у «Вольва»
Як паведамляе ДАІ ў сваім тэлеграм-канале, 56-гадовы кіроўца на «Хондзе» рухаўся па Магілёўскай шашы, 14 км, з боку вуліцы Сяліцкага ў напрамку пасёлка «Сосны».
Ён не справіўся з кіраваннем і здзейсніў наезд на раздзяляльную агароджу, пасля чаго сутыкнуўся з «Вольва».
Пацярпелых няма, аўтамашыны атрымалі механічныя пашкоджанні. Па факце ДТЗ праводзіцца праверка.