У «ДНР» стрэлам у спіну забілі намесніка кіраўніка спецназу
Намеснік камандзіра палка спецыяльнага прызначэння ўнутраных войскаў МУС гэтак званай «Данецкай народнай рэспублікі» (ДНР) Аляксей Крывуля па мянушцы «Грын» быў застрэлены вечарам 20 студзеня ў Данецку. Пра гэта паведаміў кіраўнік прэс-службы г.зв. Узброеных сіл «ДНР» Данііл Бяссонаў у сваім твітары.
Па некаторых звестках, Крывулю забілі стрэлам у спіну. Украінскі афіцэр Анатоль Штэфан з пазыўным «Шцірліц» у сваім Telegram-канале распавёў, што «Грына» забілі яго паплечнікі.
Крывуля нарадзіўся ў горадзе Мікалаеўка Данецкай вобласці. Увесну 2014 года ён пачаў ваяваць супраць украінскіх вайскоўцаў, выконваючы абавязкі першага намесніка начальніка штаба 7-й асобнай мотапяхотнай стралковай брыгады.