Сярэдзіна зімы: у Мінску грыміць навальніца. І гэта не жарт!
Архіўнае фота Сяргея Гудзіліна.
А палове на пятую 22 студзеня на Мінск наляцела… навальніца!
Наляцела вельмі імкліва, сярод завеі было відаць выбліскі маланкі, усё гэта суправаджалася рэдкім громам.
Цяпер навальніца пераўтварылася ў снежную завіруху, і надышла зіма.
Дзяжурны метэаролаг Белгідрамета сказаў «Нашай Ніве», што прыборы навальніцы не зафіксавалі, але работнікі таксама на ўласныя вочы бачылі маланкі: «Дадзеныя датчыкаў могуць абнавіцца, але навальніца была», — сказаў метэаролаг.