Пуцін распавёў пра брата, які памёр у блакаду
Трагедыя блакады для Уладзіміра Пуціна «не пусты гук», заявіў сам прэзідэнт Расіі, выступаючы ў Ізраілі на цырымоніі адкрыцця помніка «Свечка памяці», прысвечанага жыхарам і абаронцам блакаднага Ленінграда, піша РБК
Ён адзначыў, што пра блакаду Ленінграда і самаахвярнасць яго абаронцаў ведае ўвесь свет.
«Для мяне гэта не пусты гук, ведаю гэта не па чутках, а па расказах сваіх бацькоў. Бо бацька бараніў свой родны горад на фронце, а мама была ў блакадным горадзе з дзіцем, якое памерла зімой 42-га года і пахавана на Піскароўскіх мемарыяльных могілках у Пецярбургу. Сярод тысяч, сотняў тысяч іншых гараджан», - дадаў ён.