Кітай апублікаваў першы здымак новага каранавіруса ФОТА
chinacdc.cn
Кітайскі цэнтр па кантролі і прафілактыцы захворванняў апублікаваў першы здымак каранавіруса 2019-nCoV, зроблены пры дапамозе электроннага мікраскопа. Ён апублікаваны на сайце ведамства, піша РБК
У паведамленні цэнтра гаворыцца, што экспертам удалося ўпершыню выдзеліць штам віруса, што дазваляе вывучыць яго структуру.
Каранавірусы носяць такую назву, бо іх цела акружана выступаючымі часціцамі, якія нагадваюць сонечную карону. На здымку, апублікаваным цэнтрам, бачныя гэтыя прыкметы.
Да пятніцы, 24 студзеня, вядома аб 875 выпадках захворвання пнеўманіяй, выкліканай вірусам, у Кітаі. 26 чалавек загінулі. Выпадкі заражэння таксама зафіксаваныя ў ЗША, Японіі, Паўднёвай Карэі, В'етнаме, Тайландзе, Сінгапуры, Ганконгу, Макаа і Тайвані. Дзесяць гарадоў у цэнтральным Кітаі былі зачыненыя ўладамі.