2,5 трыльёны на пасяўную
Сёлетняя пасяўная будзе каштаваць 2 трыльёны 459 мільярдаў рублёў.
Такую лічбу назваў сёньня на прэсавай канфэрэнцыі намесьнік міністра сельскай гаспадаркі і харчаваньня Васіль Паўлоўскі.
З гэтых грошай 903 мільярды рублёў пойдуць на набыцьцё мінэральных угнаеньняў, 630 мільярдаў — на паліва.
Для вытворчасьці фосфару і азоту Беларусь скарыстоўвае імпартная сыравіну, вытворчасьць энэргаёмістая — таму так шмат грошай выдаткоўваецца на вытворчасьць угнаеньняў, патлумачыў чыноўнік.
Паўлоўскі паведаміў, што закупачныя цэны на большасьць сельскагаспадарчай прадукцыі падвышацца ня будуць. Міністэрства сельскай гаспадаркі і харчаваньня прапанавала ўраду ўзьняць закупачныя цэны толькі на льнотрасцу і крупавыя культуры.