Пасол у Кітаі Кірыл Руды з'явіўся перад тэлекамерамі адразу ў дзвюх масках ФОТАФАКТ
Пасол Беларусі ў Кітаі Кірыл Руды пракаментаваў сітуацыю вакол каранавіруса і расказаў, як амбасада дапамагае беларусам пакінуць рэгіён. Пра гэта ён распавёў у інтэрв'ю СТБ. Прычым перад камерамі Руды з'явіўся адразу ў дзвюх масках. Руды сустракаў у аэрапорце Пекіна беларускі самалёт, што прыляцеў з Мінска з гуманітарнай дапамогай.
«Хворых няма на гэты момант. Два чалавекі ўчора звярнуліся з просьбай выехаць з Уханя. Зараз мы прапрацоўваем магчымасці з іншымі краінамі авіятранспартавання — з тымі краінамі, якія накіроўваюць свае барты ва Ухань для вывазу сваіх грамадзянаў», — распавёў дыпламат.