Францыя падніме узрост дазволу піць
Урад Нікаля Сарказі падрыхтаваў праект закону, згодна з якім мінімальны ўзрост, з якога можна ўжываць алкаголь, павысіцца з 16 гадоў да 18.
На сёння Францыя была адной з самых ліберальных у гэтым сэнсе краінаў. У Беларусі дазволена ўжываць алкаголь ад 18 гадоў. У Японіі — ад 20, а ў ЗША — ад 21 году.
А ў такіх мусульманскіх краінах, як Саудаўская Аравія і Іран, алкаголь увогуле забаронены.