Кітай: Інкубацыйны перыяд каранавіруса можа дасягаць 27 дзён, а не 14
Інкубацыйны перыяд пасля інфікавання каранавірусам COVID-19 можа дасягаць 27 дзён, а не 14, як паведамлялася раней, распавялі прадстаўнікі ўладаў кітайскай правінцыі Хубэй, піша Reuters.
У 70-гадовага мужчыны сімптомы каранавіруса праявіліся праз 27 дзён пасля заражэння. Ён падхапіў інфекцыю 24 студзеня пры цесным кантакце з сястрой, якая хварэла на каранавірус.
20 лютага ў яго паднялася тэмпература, а вынікі тэсту на каранавірус паказалі станоўчы вынік.
Больш працяглы інкубацыйны перыяд можа ўскладніць намаганні па стрымліванні эпідэміі.