Стала вядома, калі ў школах празвіняць апошнія званкі і пройдуць экзамены
Навучальны год завершыцца 30 мая 2020, калі для школьнікаў таксама арганізуюць апошнія званкі, паведамляе Міністэрства адукацыі.
Фота Надзеі Бужан.
Выпускныя экзамены для навучэнцаў 9-х і 11-х класаў сёлета пройдуць з 1 па 9 чэрвеня. Выпрабаванні па мовах нацыянальных меншасцяў для дзевяцікласнікаў намечаны на 21 мая, для адзінаццацікласнікаў — на 22 мая.
Тым, хто заканчвае 9-ы клас, трэба будзе пісьмова здаць беларускую, рускую мовы і матэматыку. Адзінаццацікласнікі здаюць беларускую або рускую мову і матэматыку ў пісьмовай форме, а таксама замежную мову і гісторыю Беларусі — у вуснай.
Выпускныя вечары рэкамендавалі правесці 10-11 чэрвеня.